Ég er alltaf töffari

Allt í lagi, það er orðin svolítil pressa á mér að segja eitthvað snilldarlegt á þessari síðu minni. Ástæðan er sú að ég er að fá síendurtekin hrós... bastarðar, eyðileggja þessa síðu. En fyrst ég á svona marga aðdáendur afhverju kommentar enginn? Helvítis horbjánar... svikarar.

En annars lenti ég í ansi vandræðalegu atviki um daginn. Ég var heima á náttfötunum og fékk þá hugdettu að mig langaði að fara í Sims, og sims er bara heima hjá föður mínum. Nú jæja ég ætlaði bara að skella mér í föt og taka strætó til hans, voða stutt. Svo hugsaði ég... "Ahh, þarf ég nokkuð að vera að fara að klæða mig?" svo svaraði ég með annari hugsun "Nei góða vertu ekkert að því"... Ég skelli mér í úlpu og fer út í skýli... Og viti menn! Var ekki strákurinn í hverfinu sem mér finnst svo obboslega rosalega ýkt geggjað mikið sætur á svæðinu! Ég roðna, sest og fæ mér sopa af kóki. Bíddu bíddu bíddu? Ekki þurfti ég að ropa? NEI ! NEI ! ... sannleikurinn var sá að jú, ég þurfti að ropa... Allt í lagi Elísabet, slakaðu á, þú ropar bara í hljóði. Það var of seint, ropinn kom á flegi ferð upp og myndaði þetta skelfilega hljóð. Aumingja drengurinn mun ekki bíða þess bætur, leit á mig með viðbjóð... ég var svo vandræðarleg að ég ældi á skóna hans, nei okei ég ældi kannski ekki en mér varð alveg rosalega flökurt.

Mig langar að skera mig með ostakera og leggjast í salttunnu og búa þar í 100 ár án samskipti við aðra. Ég mun aldrei eignast fallega fallega strákinn sem ég hitti alltaf í strætóskýlinu.

Kv,

Aulinn sem vildi óska að hún væri löngu komin með bílpróf.

Dora the explorer

Okei, þessi þáttur er kannski hálf glataður. Ég lendi þó alltaf í því að horfa á hann... og aldrei hef ég skemmt mér yfir honum fyrr en núna. Það er Gúggífroskur á svæðinu og er hann ótrúlega fyndinn, gulur með gítar, annað þarf ekki. Sko Gúggífroskurinn getur ekki sungið nema hann sé á Gúggíeyjunni, þau eru á leiðinni núna, eru að kaupa miða í bátinn í þessum skrifuðu orðum.

Þessi þáttur er til þess að kenna börnum ensku... "one, two, three" "open" "hello" "dad" "how are you" og svo framvegis, sniðug hugmynd í sjálfri sér. En þessi froskur er samt svo fyndinn! Hoppandi með þennan gítar, litla rassgatið.

Það er stórt skip að klessa á þau! Segiði "Watch out!". Úff þetta var mjótt á mununum... svo er spennandi hvort að Gúggí komist heim. "Runni, sjór, Gúggíeyja".

HANN KOMST HEIM! LITLA DÚLLAN! Sjáum til hvort hann getur sungið. Ohh þau þurfa að hoppa yfir steina, vesen á þessu liði.

KOMA SVO! MÁ ÉG SJÁ GÚGGÍFROSKINN SYNGJA?!

Hmmm... syngdu litla gula vera.

Hann virðist ekki muna... nei þarna kom það! "Gúggí.. gúggíííí.. gúggígígígí.. gúggígígííííí" Frekar einhæft hjá greyinu, en hann er sætur. Og vinir hans eru komnir.

Ég er hætt að vera sorgleg.

Ykkar.

Aulinn sem er.. sorgleg.

(Þetta er voða sætt)

Aulinn Bin Laden

Ástand: Í morðham
Nærföt: Afskaplega kynþokkafullar karlmannsboxers.
Tónlist: Engin
Líðan: Hitlersfílingur

Ohh krakkar ég er svo ill. Haldið ykkur fjarri mér. Ég gæti allt eins stundað það að kæfa kettlinga. Sjáiði ekki hvað ég er skérí?

Kv,

Aulinn sem er vondur.

Bíttu í bitrið á þér.

Ástand: Afskaplega þreytt, með skítuga íbúð til að þrífa.
Nærföt: Snoopy á skíðum.
Tónlist: Blastandi píkurokki.
Líðan: Þreytt en spennt um leið.

Allt í lagi. Tölum um karlmenn.

Þeir eru... loðnir, með typpi og tilfiningadauðir. Nei nei nei byrjum aftur.

Þeir eru... loðnir, með typpi og ringlaðir. Nei, ekki alveg.

Þeir eru... loðnir, með typpi og barnalegir... Þarna kom þetta (líst mér á þig auli).

Er enginn maður þarna úti sem er heilbrigður, góður, myndalegur og fyndinn? (Ég er að drepast úr kvenrembu-bitra-gömlu-konu einkennum).

Johnny Depp hvar ertu?!

Þeir halda framhjá manni, svíkja mann, ljúga að manni og vilja halda utan um mann þegar maður er að reyna að sofa... ég þoli ekki andardrátt!

*snökt* Johnny.. hvar ertu? *sökt*

Ég er ung, ég elska það, ég er ekki með hrukkur, ég elska það.

Aulinn- hrukkulaus en samt bitur.

Ég er svo þreytt að mig langar bara að deyja... en bara sofa.

Mamma kemur heim í kvöld, djöfull þarf ég að fara að þrífa.

Paco skeit tvisvar í gær með Kollu, hún hefur þessi áhrif á hann.

Ég ætla að bursta í mér tennurnar, mér bíður við sjálfri mér.

Ykkar einlægur,

Auli sem er afskaplega lúinn.

Home alone

Nú ku aulinn ykkar vera ein heima (Lilja ekkert party). Ég veit ekki alveg hvað ég á að gera... ég er ein hérna, með ársbirgðir af núðlum, kattamat og kattasandi. Ég hef þó Paco, Nölu og Dorrit hjá mér, þó svo að Dorrit hafi rétt í þessu ælt á rúmið mitt... bastarður.

Talandi um bastarðinn Dorrit, þá er ég að spá í fá einhvern fola til að barna hana (þá fress ekki fola, foli er notað yfir sætan mann, eða karlkyns dýr). Hún er orðin 3 ára gömul og er enn hrein mey, það finnst mér ákaflega sorglegt, 3 sinnum 7 eru 21 árs! Almáttugur! Ekki vil ég vera valdur kynsvelts hennar. En að vísu fylgja greyinu margir gallar, hún er of smá, hún er flogaveik, hún er með frjókornaofnæmi og svo gæti ég talið lengra... en hún má ekki deyja hrein mey!

Svo er auðvitað myndbandið hennar Silvíu komið á veraldarvefinn http://www.b2.is/?sida=tengill&id=155765. Þetta er bara "möst sí" ef ég tala svona eins og hún.

En það er baðkar að öskra á mig, sjáumst! ;) ;);););) :** Tremma töffað!

Ykkar auli sem er afskaplega skítugur.

Glæstar vonir

Líðan: Þreytt og svöng.
Tónlist: Glæstar vonir lagið.
Plan: Fá mér að éta eftir þetta blogg.

Allt í lagi, núna er ég búin að vera að fylgjast með Bold and the Beautiful með öðru auganu í um 9 ár (amma horfði á þetta). Allt í einu er komin einhver dóttir Eric og Stefani... ég hef aldrei orðið vör við hana fyrr en núna nýlega. Hún er gift manni sem er með HIV. Ég held að það hafi farið svona 20 þættir í það að Eric var að banna henni það. Svo er það Brooke, hún reið Decon sem er maður Bridget og dóttir hennar. Það var voða vesen að leyna því en viti menn! Núna er Brooke ólétt! Eftir mann dóttur sinnar! Og hún vill ekki fara í fóstureyðingu!

Þetta er orðið svo ruglingslegt.

Núna er þessi dóttir sem Eric og Stefani eiga úti í afríku, obboslega dramatískt... voða húsplöntur notaðar sem framandi gróður, silly.

En nóg um Glæstar vonir!

Sex and the City eru æði :************************** omg lol rofl!

Ykkar auli sem þarf eiginlega að fara að drullast í skólann.

"Ég heiti Linda Pétursdóttir, ég bý í Grafarvoginum. Mér finnst gaman að baka"

Segir þetta þér ekki allt sem þú vilt vita um þessa stúlku? Svo segir hún þetta svo gáfulega. Mér finnst heimurinn hafa tilgang á ný. Nei svona í alvöru talað... þessar fegurðarkeppnir eru samkoma sætra en heimskra stelpna sem vilja komast í sjónvarpið. Og já ég er ein af þessum ljótu og bitru... svo að ég má þetta!

Bú á Ungrfrú Reykjavík.

Húrra fyrir Sex and the City sem var að byrja.

Ykkar auli.

Síðan er græn.

Síðan er græn... bara segja ykkur það.

Ohh... gullfallegur strákur fyrir framan mig....

Biturleiki í hámarki.

Ég vaknaði allt of seint í morgun, hljóp út, dett, fer inn í bíl, hleyp inn í skólann, dett næstum, fæ þær fréttir að ég átti ekki að mæta fyrr en klukkan 11.

Ég myrða alla núna já.

En annars er ég óvenju hress, þá miða við aðstæður... og aðstæðurnar eru svona, ég á ekki pening, ég er þreytt, ég þarf að pissa, ég er að svelta, ég er einmana og þá staðreynd að Dorrit ældi á gólfið hjá mér í nótt.. en miða við það er ég hress.

Hress, hress, hress.

En í gær gerði ég svona klukk, en viti menn... datt hel**** síðan ekki út og allt horfið, veit ekki hvort ég nenni að gera það aftur.. og ég sem var svo hnyttin og skemmtileg í því!

Ég bíst við því að flestar kvenkynsverur (ásamt nokkrum karlkynsverum, og kannski eitthverjum hvorukynsverum) horfðu á Sex and the City í gær. Ég veit ekki, en ég er húkkt á þessum þáttum, mér finnst allt verða gott og frábært þegar ég horfi á þá, svo eftir nokkrar mínútur er ég komin aftur til raunveruleikans... Sex and the City er eins og Harry Potter var (og er) á mínum yngri árum. Ég man ekki hvað ég beið lengi fyrir utan gluggan að bíða eftir uglu sem var með bréf til mín: Þú hefur komist inn í Hogwart. En ég var að tala um Sex and the City. Við Kolla vorum að spá í hverjar við myndum vera af þessum stelpum, tókum Laufey og Heklu með í pakkan. Niðurstaðan var svo hljóðandi:

Hekla: Miranda (ekki bara útaf rauða hárinu).

Laufey: Carrie (Alltaf í karlaleit?)

Kolla: Charlotte (Ég veit ekki alveg, en enginn af hinum kemur til greina)

Og svo lokst ég: Samantha. "Beta þú værir sko pottþétt Samantha" (Ég veit ekki, aldrei er ég með eitthverja fola inni hjá mér í skemmtilegum ástarleikjum. Ekki fer ég út að skemmta mér á flottum skemmtistöðum hvert kvöld...)

Á tímabili töluðum sögðum við Hekla að við værum eins og Sex and the City... without the sex... það hefur þó aðeins breyst í gegnum tíðina... en samt ekki. Búhúhúhúhú.

Ég hugsa að þetta sé nóg í bili.

(Ætti ég að reyna að vera alveg eins og Samantha? Ég meina, ég er að verða blond... ég ætla samt ekkert í ræktina skohh!... finnið fola handa mér)

Ykkar einlægur,

Auli sem ætlar að fara að pissa núna.. húrra.

Mamma mamma mamma mammma mjá mjá mjá.

Ég er í skólanum að skrópa í leikfimi... omg óþekkur auli! Ég er mun hressari en ég var í gær, sérstaklega eftir kaffihúsaferð okkar Kollu og Lilju Rutar. Kolla fékk númer hjá einhverjum BSI gaur sem segir "þegiðu" asnalega .. eða svo finnst Lilju Rut.

Mamma mín er að fara að stinga mig af til London... þar ætlar hún að kaupa á mig nærföt *klappar ákaft* Eitthvað aðeins meira sexy en snoppy nærfötin (þó þau hafi staðið fyrir sínu). Svo er hún móðir mín ástfangin af manni úti í Danmörku, þar á hann eitthvert gistiheimili.

Ég er samt búin að komast að því að ég hef það bara nokkuð gott.. eða aðstæður bjóða uppá það, það er aðallega ég sem klúðra því.. ég hef kost á góðri menntun en nenni ég að læra? Neeeeeeeiiiiii... Ég á góða vini... ööö ég nenni samt alveg að hitta þá, vona að ég sé ekki að klúðra því. Mér er boðið í bíó, út að borða einstöku sinnum... en ég er samt gölluð, ég verð ekkert hrifin.

Ykkar einlægur auli sem er afskaplega glaður og svangur...

Fyrsta færslan.

Ég veit ekki hvað ég hef haft margar bloggsíður í gengum ævina, en það skiptir ekki máli. Alltaf reynir maður að finna leiðir til þess að tjá sig, þetta mun vera leið númer 1000 hjá mér.

Ég hef verið slök við tjáningu, þó tók ég nokkur ágætis dansspor í morgun við No doubt, veit ekki hvort það flokkist undir tjáningu.

Ég er búin að vera ansi ringuð undan farið... ég veit eiginlega ekki hvað ég ætla að gera í lífinu svo er ég alveg óskaplega einmana, enn ein unglinga krisjan, hvenær hætta þær?

Ég var að teikna tré á borðið mitt, krossum puttana að ég geti þrifið það af.

Mamma fer til London næstu helgi og ég sé fram á afar rómantíska helgi hjá mér og Paco... video, súkkulaði, bein....

En þakka fyrir lesninguna.

Kv. Aulinn sem er í naflaskoðun.

p.s. með er mynd helgarinnar, af mér og Heklu í svaðalegu ástandi.